Ang Bulag Mong Pananampalataya

Kasabawan... Kaisipan... Kamalayan... KALAYAAN!!!






Sa sobrang gulo na ng mundo ngayon, tipong normal nalang ata sa atin ang malito kung ano nga ba ang tama at mali, ang katotohanan at kasinungalingan. At hindi din maikakaila na madami na din sa atin ang nalululong sa kamalian at kasinungalingan. Nabubulag ang tao sa katotohanan dahil sa:




-Kahirapan
-Sariling Kagustuhan
-Maling Interpretasyon sa/ng Buhay




At oo, nakakatakot ito. Karamihan din sa mga taong nasa bilangguan ay mga kristyano. Nakakahiya. Kristiyano pa naman ako. Pero hindi ibig sabihin nito'y itatakwil ko na ang relihiyon ko.

Nakikita ko din sa mga News Feed ko sa Facebook, mga nagpapa-LIKE o SHARE ng mga litrato ng mga tao o mga batang may sakit. Kapag nag-like ka, may tulong daw to namakukuha galing sa Facebook. HUWAAAAAH?! Kung gusto kong tulungan talaga ang taong iyon, kokontakin ko ang mga nag-aalaga doon, bibisitahin ko, at magbibigay ako ng tulong-pisikal, pinansyal, at espiritual. Hindi lang ako magla-like ng mga litrato ng mga taong may sakit dahil nakasaad sa litrato na bawat like sa litratong iyon ay may matatanggap siyang tulong-pinansyal. NAK NG!!! Kalokohan!!!


Nakakalungkot din na nakikita ko yung mga taong pa-share-share ng mga litrato ni Hesus, at kapag hindi mo daw ito pinansin, satanista ka daw, kesho makasalanan ka, hindi ka magkakaroon ng magandang buhay sa susunod na isang taon, kesho hindi ka na daw naniniwala sa Diyos. OMG!!! I'M GOING TO HELL NA BA? LIKE NOW NA? BAKIT!? Ang pag-share nalang ba ng litrato ni Hesus ang basehan ng pananampalataya at kung paano ka manampalatay sa Diyos? Ako kahit hindi ko i-share o i-like yung link na iyon, alam ko pa din sa sarili ko na naniniwala ako sa Diyos at ang pananampalatay ko sa Kanya ay hindi pa din magbabago. Kaya kong patunayan  sa ibang paraan ang pagmamahal ko sa Kanya. Hindi porket ni-like o ni-share ko na ang litrato Niya eh matik na naniniwala o mahal mo na Siya. Baka naman kasi ang pananampalataya mo sa Diyos ay hanggang sa mga LIKE at SHARE lang? Mas madami ka pang pwedeng gawin kaysa sa diyan.

Well, wala namang masama sa paglalagay ng mga status tungkol sa Diyos, basta alam mo yung pino-post mo at kaya mo siyang gawin, walang problema. Ayoko lang ng kaka-post mo lang ng berso galing sa Bibliya, tapos makikita ko sa photos mo, may kalampungan kang lalaki o babae. Ang laking HIPOKRITO... Magpo-post din ng tipong naghahanap ng tunay na pagmamahal, pagmamahal na walang hanggan, ang paghihintay sa "Right person", tapos may ginawang PMS kagabi sa party na pinuntahan niya. HAAAAAAAAAAY!!!!






Oo, isa din akong makasalanang tao na may pananampalataya pa din sa Diyos. Tinuruan lamang ako maging mapagmasid sa aking paligid. Alam ko din ang katotohanan sa kasinungalingan, ang tama sa mali. Minsang nabubulag din sa maling katotohanan, pero hindi pa din magbabago ang pananaw ko sa buhay, at ang pagsamba sa kanya. Hindi lamang ako magla-like o magshe-share ng mga links upang patunayan kung gaano ako naniniwala sa kanya. Kahit hindi ko gawin yun, naniniwala pa din ako sa Kanya. Mayroon akong pagkilos.


Hindi tayo mga perpektong tao, ngunit ang landasin ng tao ay ang tunay na kawalang-mali, at makikita mo din balang-araw ang Mukha na iyong minimithi.