Ang Ugat ng Lahat ng Kasamaan sa Mundo

Kasabawan... Kaisipan... Kamalayan... KALAYAAN!!!


Siguro naman alam niyo na ang tinutukoy.


OO. PERA!


Ang nagpapatakbo ng ating araw-araw. Kapag wala ka nito, wala ka. Kumbaga, ito ang kaluluwa mo, pira-piraso nga lang, dahil hindi ka pwedeng mabuhay ng wala ito. Sobrang lakas ng tama ng nito sa tao, hindi niya namamalayang dito na pala umiikot ang mundo niya.


OO. PERA!


Pwedeng sumimbolo ng pagtulong at kasakiman, kahirapan at kapangyarihan, pagdurusa at kaligayahan, kahirapan at kayamanan, pighati at kasiyahan. At sobrang hindi patas ng (buhay) ng ibang tao, hindi lahat ng tao ay merong sapat na PERA upang maipambili ng makakain sa araw-araw, upang ipambili ng mga pang-araw-araw na kailangan sa buhay ng tao, pampa-aral sa anak, at marami pang iba. At siyempre, kung may mahirap, mayaman din, yung mga may kotseng sibrang mamahalin at kay tulin kung tumakbo(aanhin mo pa ang bilis niyan kung may speed limit naman sa mga kalye?), may mga magagarang bahay na maraming palapag at may mga mamahaling furniture at mga kagamitang pambahay(aanhin mo 'to kung hindi mo naman maiwanan ang bahay mo dahil natatakot kang iwanan ang bahay mo at baka daw manakawan?), at napakaraming resort, restaurant, mga casino(Hollywood?), at mga kung anu-ano pang mga luho sa buhay. Sus, sa huli naman, mamamatay din sila, at ni kahit singkong butas, wala silang madadala pagpunta nila sa langit o impyerno(mostly, sa impyerno).


OO. PERA!
Naniniwala ako sa kasabihan sa bibliya ng mga Katoliko, "Sobrang hirap para sa mga mayayaman ang makapasok sa mga pintuan ng langit". Oo nga naman. Kung kinuha mo na lahat ng gantimpala mo sa lupa, ano pa ba ang kailangang ibigay sa'yo ng langit, kung lahat ng hiniling mo ay hiningi mo na? Wala nang natirang gantimpala sa'yo, dahil lahat ng hiniling mong mga materyal na bagay ay ang dapat sanang sa'yo sa kabilang buhay. Ang hiniling mong magarang kotse at bahay, sa'yo dapat yun kung nasa langit ka na. Kaso hiniling mo na dito sa lupa. Wala na. Hindi mo na madadala yan pagkatapos mong mamatay.


OO. PERA!
Para pala itong external CPU, dahil sa kakayanan nitong kontrolin ang isang mahinang kokote, parang virus, na kapag wala kang malakas na anti-virus software, tiyak makokontrol ka nito. At kapag nakontrol ka na nito, mahirap na itong kalabanin. At dahil nga nakokontrol ka nito, kaya ka niyang utusan ng kahit anong nais niya, mula sa pagtitimpla ng kape, sa pangdadaya sa botohan, sa pagsira ng sarili mong katinuan, sa pagnanakaw ng pera ng iba lalo na sa mga mahihirap, hanggang sa pagpatay ng ibang tao upang makalamang ka lamang sa kanya, at perang nais mo.


OO. PERA!
Wala itong pinipili, mahirap man o mayaman. Siguro, hindi ko din masisisi minsan ang paghahangad ng maraming pera ng mga mahihirap. Sabagay, hihilingin mo pa ba ang mga bagay a meron ka na? Pero siguro, ang hindi naiintindihan ng mga mahihirap(o ang mga self-proclaimed poor people), na ang pera ay hindi nga naman talaga sagot sa tunay na tagumpay sa buhay. Oo, pwede nga naman nilang sabihin na pera ang makakapagahon sa kanila sa hirap. NO! Dapat, pera ang tutulong lamang sayo upang maabot ang mga pangarap mo. Ang pera ay magiging isang kasangkapan lamang sa iyong tagumpay. Pinaghihirapan din ito, hindi lamang kinukuha basta-basta, o kaya naman ay hinihiling lamang sa Diyos...


OO. PERA! Itatayo ka nito, ngunit kaya rin nitong pabagsakin.


OO. PERA!


OO. PERA!


OO. PERA!


OO. PERA!